Нийтийн эзэмшлийн авто замын хөдөлгөөн тусгаарлах хайс хашлага шинээр тавих болон нөхөн байршуулах асуудлаар Тээврийн цагдаагийн алба, Нийслэлийн Замын хөдөлгөөний төлөвлөлт, зохицуулалт, инженерчлэлийн газар, Улаанбаатар зам засвар ашиглалтын газар болон албаныхантай хурал зохион байгууллаа.

Хурлаар нийт 15 байршилд шинээр тавих 3700урт.метр хайс, дөрвөн байршилд нөхөн байрлуулах 239урт.метр болон дээрх байршлуудад хуучирсан хайсуудыг алсын байршлууд, гэр хорооллын нэн шаардлагата й байрлалуудад шилжүүлэн байршуулах асуудлуудыг хэлэлцлээ.

Мөн согтуугаар болон бүрэн бус машин техникийн улмаас нийтийн эзэмшлийн ногоон байгууламж, эд хөрөнгийн дайрч сүйтгэсэн этгээдүүдээс цугларсан нөхөн төлбөрөөр нөхөн байрлуулах, шинээр авах асуудлыг хэлэлцэв.

Хотын Ерөнхий менежер зарим байршлуудыг нарийн нягталж газар дээр нь үзэж нягтлан төсвийн тооцооллоо дахин боловсруулж танилцуулахыг хурлын бүрэлдэхүүнд даалгасан байна.

---