"Спутник V" вакцины туршилт 2022 он дуустал үргэлжилнэ
ОХУ-ын эрдэмтдийн гарган авсан "Спутник V" коронавирусийн эсрэг вакцины судалгааны ажлын дараагийн үе шат жил гаруйн хугацаанд үргэлжилнэ гэдгийг мэргэжилтнүүд мэдээлж байна.
Тус улсын Эрүүл мэндийн яамны баримт бичигт дурдсанаар шинэ вакцины туршилтын гуравдугаар шат 2022 оны арванхоёрдугаар сарын 31-ний өдөр бүрэн дуусах аж. Мөн судалгааны ажлыг Москва хотын анагаах ухааны есөн байгууллагад хийхээр шийдсэн гэнэ.
Сануулахад, өнгөрсөн сарын 11-нд ОХУ дэлхийн анхны коронавирусийн эсрэг вакциныг гарган авснаа зарлан, албан ёсоор бүртгэн авсан. Үүний дараагаар Оросын Эрүүл мэндийн яамнаас Гамалейн судалгааны хүрээлэнд "Спутник V" вакцины бүртгэлийн дараах судалгааг хийх зөвшөөрлийг наймдугаар сарын 25-нд олгосон билээ. Уг туршилтад нийт 40 мянган сайн дурынхан хамрагдах юм.
Эх сурвалж: НТВ
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.