ВИДЕО: Улаан-Үд зэрэг хотод луйвар хийдэг этгээдүүдийг илрүүлжээ
ОХУ-ын Санкт-Петербург хотын цагдаа нар түгээмэл луйврын арга хэрэглэдэг нэгэн гэмт бүлэглэлийг илрүүлсэн байна.
Уг хууль бус ажлын хүрээнд луйварчид иргэд рүү утасдаад, өөрсдийгөө банкны аюулгүй байдлын ажилтан гэж танилцуулдаг гэнэ. Гэмт хэрэгтнүүдийн үйлдэл маш үнэмшилтэй байсан тул олон хүн картан дахь мөнгөө луйварчдын зааварласан данс руу шилжүүлсэн байна.
Дараа нь гэмт бүлгийн гишүүд эдгээр дансан дахь мөнгийг АТМ-аас аван, өөрсдийн дансандаа байршуулаад, гадаад руу шилжүүлдэг болохыг албаныхан тогтоосон байна.
Түүнчлэн луйварчид Санкт-Петербург хотын төвд оффистой байсан бөгөөд харин утасны операторууд нь орон даяар байрлаж байжээ. Үүнд Улаан-Үд, Ялта, Хабаровск зэрэг хот багтаж байгаа юм.
Эх сурвалж: Первый Канал
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.