1072 ширхэг хувьцааны ногдол ороогүй иргэдийн анхааралд

“Эрдэнэс Тавантолгой” ХК 2019 онд 1 тэрбум ам.долларын борлуулалтын орлоготой ажиллаж хувьцаа эзэмшигчдэдээ анх удаа нэгж хувьцаанд 90 төгрөгийн ногдол ашиг олгохоор болсон. Удтал хүлээлгэсэн ногдол ашиг өнөөдрөөс ногдол  /2020.09.03/ иргэдийн дансанд шилжиж эхэлжээ.

Өнөөдрийн байдлаар 1 сая 883 мянган иргэн “Эрдэнэс Таван толгой” ХК-ийн хувьцааны данстай. Ингээд Үнэт цаасны төвлөрсөн хадгаламжийн төвөөс хувьцаа данс нээлгэсэн иргэдийн арилжааны банкны дансыг нь тулган баталгаажуулалт хийснээр 857,491 иргэний 1,072 хувьцааны ногдол ашгийг өнөөдрөөс эхлэн иргэдийн данс руу шилжүүлж эхэлсэн.

Та үнэт цаасны дансаа нээлгэсэн ч банкны зөв дансаа холбуулаагүй бол брокерийн компанидаа хандан холбуулах, үнэт цаасны дансаа нээлгээгүй бол яаралтай нээлгэн ногдол ашгийн мөнгөө авах боломжтой.

Иргэн та хэдэн хувьцаатай эсэх, үнэт цаасны ямар компанид бүртгүүлсэн эсэхээ 158989 тусгай дугаар луу мессэж бичин тодруулж болно. 

Түүнчлэн 1072 ширхэг хувьцааны данс нээлгээгүй иргэдийн ногдол ашгийг И-баримт-д бүртгэлтэй данс руу шилжүүлэхээр болсон. Өнөөдрийн байдлаар И-баримт-д бүртгэлтэй, ногдол ашиг авах данс нь баталгаажаагүй нийт 644.6 мянган иргэний банкны дансыг баталгаажуулж Төрийн сангаар олгоно.

Дансгүй иргэдэд болон хүүхдүүдэд бусад аргаар (ибаримт, халамжийн мөнгө авдаг дансаар) ногдол ашиг олгох талаар яригдаж байгаа ч хэзээ олгох нь тодорхойгүй байна. Үнэт цаасны данс нээлгэн тухайн данстай нь хүүхдийн өөрийн нэр дээрх арилжааны банкны данс холбосноор авах боломжтой.

Хувьцааны дансаа нээлгээгүй И-баримт-д бүртгэлтэй зарим иргэдийн 1072 ширхэг хувьцааны ногдол ашиг И-баримтын данс руу нь шилжиж орсон байна. 

Түүнчлэн есдүгээр сарын 1-нээс өмнө данс нь баталгаажсан иргэдийнх эхний ээлжинд орж байгаа бөгөөд түүнээс хойш бүртгүүлсэн иргэдийх тун удахгүй орох гэнэ.