БНСУ: Монгол иргэн 100 сая воноо луйвардуулжээ

БНСУ-д улсад ажиллаж, амьдардаг монгол эмэгтэйгээс 100 сая вон луйвардсан 49 настай А-д тус улсын анхан шатны шүүхээс нэг жил зургаан сарын хорих ял оноосон байна. Хохирогч монгол эмэгтэй нь массажист хийдэг бөгөөд хэрэгтэн А нь эмэгтэйн ажилладаг массажны газрын байнгын үйлчлүүлэгч байжээ.

Улсан хотын дүүргийн шүүхээс залилан болон хүчирхийллийн хэрэгт буруутгагдсан А-гийн талаар дээрх шийдвэрийг гаргасан болохыг өнөөдөр буюу наймдугаар сарын 25-ны өдөр зарласан юм.

Хэргийг тодруулбал, 2016 оны арванхоёрдугаар сард А нь массажист монгол эмэгтэйд "Монголд зам барихаар төлөвлөж байгаа боловч үйлчлүүлэгчийн төлбөр түр хойшлоод байна. Хэрэв надад мөнгө зээлүүлбэл би хоёр долоо хоногийн дараа буцааж төлнө" гэж хэлээд нэг сая вон зээлсэн байна. Үүнээс хойш тус эмэгтэй 2018 оны аравдугаар сар хүртэл 48 удаагийн шилжүүлгээр нийт 104,600,000 воныг А-д зээлдүүлжээ.

Түүнчлэн хэрэгтэн А нь өөрийн ажиллуулдаг компанийнхаа 41 настай ажилтнаа зодсон учир хүчирхийллийн хэрэгт буруутгагдсан байна. А нь тус ажилтныг ажлаас нь халсан хэдий ч тэрээр ажлаасаа гарахгүй байсан гэсэн шалтгаанаар түүний биед халдсан аж.

Хэдий А нь өөрийн гэм буруугаа хүлээн зөвшөөрсөн ч тэрээр хэргийн хохирогчидтой тохиролцоогүй бөгөөд түүний луйвардсан мөнгөний хэмжээ нь харьцангуй их байсныг шүүхээс харгалзаж үзсэн гэв.

Эх сурвалж: https://www.yna.co.kr/view/AKR20200825114400057?input=1195m