Монгол хөвгүүд аваргын төлөө тоглох эрхтэй боллоо

Энэ сарын 18-ны өдрөөс эхэлсэн 17 хүртэлх насны 5х5 төрлийн ур чадварын "FIBA U17 World Skill Challenge" тэмцээнд монголын баг шигшээ тоглолтод шалгарлаа. 

Олон улсын сагсанбөмбөгийн холбооноос 17 хүртэлх насны 5х5 төрлийн ур чадварын "FIBA U17 World Skill Challenge" тэмцээнийг анх удаа цахим орчинд зохион байгуулж байгаа ба 16 улсын баг дөрвөн хэсэгт хуваагдан өрсөлдсөн юм. Манай баг хэсгийн бүх өрсөлдөгчдөө илүүрхэн ялсаар шөвгийн 8-д улмаар шөвгийн 4-т шалгарсан. Урьд шөнө хагас шигшээ тоглолтод Гвиней улсын багийг 111:119 харьцаатай хожиж FIBA U17 World Skill Challenge тэмцээний аваргын төлөө шалгарч үлдлээ.

Өнөө шөнө "FIBA U17 World Skill Challenge" тэмцээний аваргын төлөө Болгар улсын багтай тоглох юм. Аваргын төлөөх тоглолт Улаанбаатар хотын цагаар 03:00 цагт болно. Ур чадвар дүүрэн хөвгүүддээ амжилт хүсье.