2020 онд Ази, Номхон далайн бүсийн 13 орны 10-15 сая залуучууд ажилгүй болох эрсдэлтэй

Азийн хөгжлийн банк болон Олон улсын хөдөлмөрийн байгууллага(ILO)-тай хамтран COVID-19 цар тахал нь залуучуудын хөдөлмөр эрхлэлтэд хэрхэн нөлөөлж буй талаар судалгааны тайлан бэлтгэн гаргажээ. 

Судалгааны ажлын гол үр дүн 2020 онд Монгол, Энэтхэг, Индонези, Филиппин зэрэг Ази, Номхон далайн бүс нутгийн 13 орны 10-15 сая залуучууд ажилгүй болох эрсдэлтэй байгааг тогтоожээ. 

Улмаар,

Бөөний болон жижиглэнгийн худалдаа, үйлдвэрлэл, үл хөдлөх хөрөнгийн худалдаа, тээвэр гэсэн 4 салбарт ажиллаж буй бүс нутгийн 100 сая гаруй залуучуудын ажилгүйдэлд өртөх эрсдэл бусад салбаруудаас илүүтэй өндөр байна.

Цар тахлын үеийн хорио цээрийн дэглэмийн улмаас сургалт, боловсролын байгууллагуудын үйл ажиллагаа тасалдаж байгаатай холбогдуулан залуучуудын салбар хооронд хөрвөх чадвар буурч байна.

Засгийн газрууд залуучуудын хөдөлмөр эрхлэлтэд тулгарч буй асуудлуудыг тухайлан авч үзэж, анхаарал хандуулах шаарлдагатай байна.

Эдгээр сөрөг нөлөөг зөөлрүүлэхийн тулд залуучуудад зориулсан боловсрол, сургалтын үйл ажиллагаануудыг зохион байгуулах шаардлагатай байна гэжээ.