ОХУ-ын Ерөнхий сайдыг дагалдаж явсан сэтгүүлчдээс коронавирус илэрчээ

ОХУ-ын Ерөнхий сайд Михаил Мишустиныг Алс Дорнод дахь айлчлалд нь дагалдан явсан зарим сэтгүүлчээс шинэ коронавирусийн халдвар илэрсэн болохыг Оросын Засгийн газрын хэвлэлийн албанаас мэдэгджээ. Үүний улмаас сэтгүүлчдийн алба тэр чигээрээ Амур мужийн засаг захиргааны төв Благовещенскээс явсан болохыг эх сурвалжууд мэдээлж байна.

Онцгой байдлын яамнаас тэднийг яаралтай нүүлгэн шилжүүлгийн нислэгээр Москва хот руу хүргэжээ. Бүх сэтгүүлчид хамгаалалтын хувцас, амны хаалт, эмнэлгийн бээлий өгсөн бөгөөд Засгийн газар тэдний амь нас, эрүүл мэндийг хамгаалахын тулд шаардлагатай бүх арга хэмжээг авсан хэмээн мэдэгдсэн юм. Одоогоор сэтгүүлч нар тусгаарлагдан, эмнэлгийн хяналтан дор байгаа аж.

Түүнчлэн Ерөнхий сайдын орлогч, Ерөнхийлөгчийн Алс Дорнод дахь бүрэн эрхт элч Юрий Трутнев мөн коронавирус туссан болох нь тогтоогдсоны улмаас айлчлалын арга хэмжээнд оролцох боломжгүй болжээ. Харин Ерөнхий сайд Михаил Мишустин наймдугаар сарын 13-нд эхэлсэн Алс Дорнодын айлчлалаа өчигдөр буюу наймдугаар сарын 18-ны өдөр дуусгасан юм. Тэрээр Чукоткийн өөртөө засах тойрог, Камчаткийн хязгаар, Магадан муж болон Амурын бүс нутгуудаар зочилжээ.

Эх сурвалж: tass.com