LIVE: Мэргэжлийн снукер биллиардын ДАШТ

Мэргэжлийн снукер биллиардын дэлхийн аварга шалгаруулах тэмцээнийг шууд дамжуулан үзүүлж байна.

Өнөөдрөөс хоёрдугаар тойргийн тоглолтууд эхэлж байгаа тул өдөрт Улаанбаатарын цагаар 20:00, 02:00 цагуудаас тоглолтууд хоёр ширээн дээр зэрэг явагдах юм. Өнөөдрийн эхний тоглолт дэлхийн дөрвөн удаагийн аварга Жон Хиггинс болон мэргэжлийн снукер биллиардын ДАШТ-д анхны ялалтаа байгуулсан Норвеги тамирчин Курт Мафлин нар хоёр дугаар тойргийн эхний тоглолтоо хийнэ. Мөн түүнчлэн нэгдүгээр тойргийн сүүлийн тоглолт болох Бары Хавкинс болон энэ удаагийн ДАШТ-д өрсөлдөж буй цорын ганц Швейцарь залуу Александер Урсенбачер нарын тоглолт үргэлжлэн явагдана. 

Норвеги тамирчин Куртын хувьд Жон Хиггинсийг өмнө нь хожиж үзсэн ба өнгөрсөн жилийн China Championship тэмцээний 16-д 5-4 харьцаагаар хожиж байсныг биллиард сонирхогчид маань тод санаж байгаа биз ээ. 

Курт Мафлин нэгдүгээр тойрогт Дэвид Гилбертийг хожсоныхоо дараа: "Жон Хиггинс бол миний хүндэлж явдаг домгуудын нэг. Тэрээр бүх цаг үеийн шилдэг дөрвийн нэг шүү дээ" хэмээн хэлсэн байна.