ВИДЕО: БНСУ дахь Монголын ачааны усан онгоцонд гал гарчээ
БНСУ-ын Гангвон мужийн Сокчо боомтод байсан монгол ачааны усан онгоц өчигдөр буюу долдугаар сарын 22-ны 12:00 цагийн орчимд галд автжээ.
Сокчогийн эргийн харуулын мэдээлснээр уг 487 тонн ачааны хөлөг онгоц нь Монголын хясаа тээвэрлэгч онгоц бөгөөд тус боомтод өнгөрөгч дөрөвдүгээр сарын 10-нд нэвтэрсэн аж. Япон, Солонгос хоёр улсын хооронд хясаа тээвэрлэдэг энэхүү усан онгоц гал гарах үеэр ачаагүй байсан гэнэ.
Хоосон байсан зургаан контейнерын нэг нь шатаж, хөлгийн тавцан дээр байсан багийн таван гишүүний амь насанд аюул учраагүй байна.
Гал гарсан даруйд долоон галын машин ирж, гал сөнөөгчид 30 минутын дотор галыг унтраажээ. Одоогийн байдлаар албаныхан галын шалтгааныг судалж байна.
Эх сурвалж: enewstoday.co.kr, fnnews.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.