ВИДЕО: БНСУ-д дөрвөн монгол залуу нутаг нэгтнээ бүлэглэн зоджээ

БНСУ-д хэсэг бүлэг монгол залуучуудын дунд маргаан үүсэж, тэдний дөрөв нь нэгнийгээ бүлэглэн зодож, танхайрсан хэрэг гарчээ. Сөүл хотын төвд гарсан уг хэргийн дараа холбогдох дөрвөн залууг баривчлан, саатуулаад байгаа бөгөөд эмнэлэгт хүргэгдсэн хохирогч одоо болтол ухаан ороогүй байна.

Энэ явдал долдугаар сарын 5-ны өдрийн өглөөний 7 цагт гарсан бөгөөд Жүнгү дүүргийн дэлгүүрийн урд архидан, согтуурч байсан 10 монгол иргэний хоёр хоорондоо маргалдаж эхэлжээ. Үүний дараа дөрвөн залуу нийлэн хохирогч эрэгтэйг бүлэглэн зодож, хүнд гэмтээсэн байна. Сэжигтнүүд ухаангүй болсон хохирогчийг тэр чигээр нь үлдээгээд, хэргийн газраас зугтжээ.

Тус дэлгүүрийн ойролцоо байсан гэрч “Тэд 07:00 цаг хүртэл гадаа ширээн дээр согтууруулах ундаа ууж байсан. Нэг, хоёр минутын дараа гэнэт зодолдоод эхэлсэн. Яаралтай тусламжийн хоёр машин ирээд, дараа нь цагдаагийн машин ирсэн” гэв.

Эх сурвалж: MBN News, dongA