ЭМ-ийн сайдад нэр дэвшигч Б.Цогтбаатарын ХОМ "асуудалтай" байжээ

МАН-ын Удирдах зөвлөлийн хурал өчигдөр /2020-07-07/ хуралдан Ерөнхий сайд У.Хүрэлсүхээс оруулж ирсэн Засгийн газрын гишүүдийн нэрсийг хэлэлцэж баталсан билээ. 

Удирдах зөвлөлийн хурлаас Эрүүл мэндийн сайдаар ЭМЯ-ны Төрийн захиргаа, удирдлагын газрын дарга Б.Цогтбаатарын нэрийг баталсан ч өнөөдөр өглөө /2020-07-08/ хуралдсан нэгдсэн чуулган дээр Улсын Нэгдүгээр Төв эмнэлгийн ерөнхий захирал Т.Мөнхсайханыг танилцуулав. 

Учир нь сайдуудыг томилохын өмнө АТГ-т хандаж төрийн албанд ажиллах хүмүүсийн /хөрөнгө орлогын мэдүүлэг/ ХОМ-ийн тайлбарыг авдаг. Уг шалгуурт Б.Цогтбаатар тэнцээгүй аж.

Харин шинэхэн сайд Т.Мөнхсайхан нь Улсын Нэгдүгээр Төв эмнэлгийн ерөнхий захирал, анагаах ухааны магистр, докторант, клиникийн профессор юм.