УИХ-ын гишүүн Т.Доржхандыг “Төрийн ордон” руу нэвтрүүлэхээс татгалзжээ
Сонгуулийн ерөнхий хорооны дарга Ч.Содномцэрэн өнөөдөр 10.00 цагаас 2020 оны УИХ-ын сонгуульд нэр дэвшин сонгогдсон 76 гишүүнд “УИХ-ын гишүүний үнэмлэх”-ийг гардуулан өгсөн.
“Зөв хүн-Электорат эвсэл”-ээс нэр дэвшиж, УИХ-ын гишүүнээр сонгогдсон Т.Доржханд УИХ-ын гишүүний үнэмлэхээ авахаар ирэхэд нь пүүзтэй ирсэн гэх шалтгаанаар Төрийн тусгай хамгаалалтын газрын алба хаагчид түүнийг “Төрийн ордон” руу нэвтрүүлэхээс татгалзжээ.
“Монгол Улсын Төрийн ордны хамгаалалт, үйлчилгээний журам”-д Төрийн ордонд хамгаалалт, үйлчилгээний болон цэрэг, цагдаагийн ажилтнууд дүрэмт хувцастай, бусад хүмүүс албаны болон үндэсний хувцастай төрийн ордонд нэвтэрнэ хэмээн заасныг Т.Доржханд гишүүн зөрчсөн тул түүнийг нэвтрүүлэлгүй түр саатуулжээ.
Улмаар Төрийн тусгай хамгаалалтын газрынхан УИХ-ын гишүүнээр анх удаа сонгогдоод байгаа Т.Доржханд нь “Төрийн ордон” руу нэвтрэх журмыг мэдэхгүй, гишүүний үнэмлэх гардуулах ёслолын цаг давчуу зэргийг харгалзан үзсэний үндсэн дээр түүнийг нэвтрүүлсэн байна.
УИХ-ын гишүүн Т.Доржхандад асуудал дагуулсан пүүз
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.