Пакистаны гурван нисгэгч тутмын нэг нь хуурамч үнэмлэхтэй байжээ
Пакистаны олон улсын компани хуурамч бичиг баримттай, албан ёсны нислэг үйлдэх зөвшөөрөлгүй 150 нисгэгчийг илрүүлжээ. Эдгээр нисгэгчид хуурамч бичиг баримт ашигласан болон шалгалтандаа унасан хүмүүс болохыг Парламентын хуралдаан дээр Пакистаны Нисэх хүчний яамны сайд мэдэгдсэн байна.
Өнгөрсөн сард Пакистаны олон улсын нислэгийн компанийн онгоц осолдож 97 хүн нас баржээ. Уг ослын шалтгааныг шалгахад нисгэгчийн болон агаарын хөдөлгөөний хяналтын газрын буруутай үйл ажиллагаанаас болсныг илрүүлжээ. Энэ явдлаас хойш нисгэгчдийн чанарыг шалгаж эхэлсэн байна.
Илүү өргөн хүрээтэй шалгалт хийхэд улс даяар нислэг үйлдэх эрхтэй 860 нисгэгчийн 260 гаруй нь хуурамч бичиг баримттай байжээ. Үүнээс үүдэж улсын хэмжээнд зарим нислэгийг цуцалсан байна.
Эх сурвалж: ВВС
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.