БЗД-ийн спорт цогцолборыг энэ 10-нд ашиглалтанд оруулахаар ажиллаж байна

Баянзүрх дүүргийн дөрөвдүгээр хорооны нутаг дэвсгэр буюу Хил хамгаалах ерөнхий газрын баруун урд хөлбөмбөгийн талбайг стандартын дагуу тохижуулж байна.

Нийт 1.8 га газарт цэцэрлэгт хүрээлэн, гүйлтийн зам, хөлбөмбөг, сагсан бөмбөг, волейболын талбай, гэрэлтүүлэг, хүүхдийн тоглоомын талбай, биеийн тамирын талбай, автомашины зогсоол, угаалгын өрөө бүхий иж бүрэн спортын талбай ажээ. 

Энэ долоо хоногт ногоон байгууламжаа бүрэн тарьсан, 8500м.кв Хонгконгоос захиалсан сайн чанарын хиймэл зүлгэндээ дэвсэх элсээ Дархан хотоос захиалсан, гэрэлтүүлгийн 28шон ирсэн суурилуулахад бэлэн, одоо БНХАУ-аас олон улсын стандартад нийцсэн 2800м.кв гүйлтийн тартан замын материалаа хүлээж байна гэжээ.

Хотын Ерөнхий менежер, ХТЦХ-ийн дарга нар ажлыг шалгахад угтах байрны орц гарц гишгүүр хэт налуу байсныг засах, эко хавтантай хэсэгт буй хяналтын камер, гэрэлтүүлгийн шонг шилжүүлэх үүргийг мэргэжлийн "Холбоо трейд" ХХК-д газар дээр нь үүрэг болголоо. Шилжүүлсэн зардлыг буруутай байгууллагаар нь барагдуулна. Өмнө нь буюу 14 хоногийн өмнө тус компаниар гэрлийн шонг будах, зөвшөөрөлгүй кабель цэгцлэх ажлуудыг хийлгэсэн.