130 тонны даацтай БелАЗ-д дайруулсан КамАЗ-ын жолооч амьд гарчээ
ОХУ-ын Свердловск мужид 130 тонны даацтай БелАЗ ачааны машин КамАЗ маркийн шатахуун цэнэглэгч ачааны машинтай мөргөлдсөн хэрэг өнгөрсөн сард гарчээ. Азаар ослын улмаас нэг ч хүн гэмтээгүй бөгөөд КамАЗ-ын жолооч мөргөлдөхөөс өмнө машинаасаа үсрэн гарч амжсан гэнэ.
Энэхүү осол Качканарскын уул уурхай, баяжуулах үйлдвэрийн олборлолтын газарт гарсан аж. БелАЗ машиныг цэнэглэсний дараа жолооч нь КамАЗ-ыг явсан гэж бодоод баруун тийш эргэхдээ ийнхүү КамАЗ-ыг дайрсан байх магадлалтай юм. Ослын дараа БелАЗ ачааны машинд засвар хийх шаардлагатай гэж үзсэн бол шатахуун цэнэглэгч машиныг сэргээх боломжгүй болсон байна.
БелАЗ-ыг жолоодож байсан 38 настай эмэгтэйг цагдаагийн байгууллагаас захиргааны протоколын дагуу 500 рублиэр торгожээ. Тэрээр энэхүү осол "хайхрамжгүй байдлаас" болсон гэж тайлбарласан байна.
Эх сурвалж: autonews.ru
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.