ФОТО: Оскарын шагнал гардуулах ёслолын торгон мөчүүд

Америкийн кино академийн шагнал гардуулах 92 дахь удаагийн наадам өнгөрсөн шөнө Долби театрт болж өнгөрлөө. Энэ жилийн Оскарын наадам өнгөрсөн хугацаанд тохиолдож байгаагүй түүхэн чухал үйл явдлуудаар дүүрэн, дэлхийн кино урлагийн түүхийн шинэ эрин үе эхэлснийг харуулсан хэмээн урлаг сонирхогчид үзэж байна. БНСУ-ын найруулагч Бон Жун Хогийн бүтээл "Parasite" кино наадмын хамгийн нэр хүндтэй, гол дөрвөн шагнал болох шилдэг кино, шилдэг найруулагч, шилдэг кино зохиол, шилдэг гадаад хэл дээрх бүтээлийн төрөлд шагнал авсан билээ. Урьд өмнө кино академийн шагнал гардуулах ёслолын түүхэнд гадаад хэл дээрх кино шилдгээр тодорч байгаагүй юм. Оскарын шагнал гардуулах ёслолын торгон агшныг гэрэл зургаар харуулж байна.