Мин гүрний үеийн алтан эдлэлийг олжээ
БНХАУ-ын археологийн газраас Мин гүрний үеийн 10000 орчим эд зүйлийг олсон байна. Олдворын ихэнхийг алт, мөнгө гэсэн үнэт металлаар хийсэн бөгөөд хувцас, үнэт эдлэл, ваар сав, алтан гулдмай, мөнгө, олон тооны алтан эдлэл байгаа аж. Олдсон эдлэлээс хамгийн анхаарал татсан олдвор нь дээд талдаа яст мэлхийний дүрстэй дөрвөлжин алтан тамга болохыг “Дейли Мэйл” сонинд онцолжээ. Түүнээс гадна энэ эдлэл нь Хятад улсыг 1368-1644 онд захирсан Мин гүрний нэг ханхүүгийн өмч гэж үзжээ.
Археологич нар Сычуань мужийн түүхэн газар Жиангку Ченуинд хийсэн сүүлчийн ажил дуусах үеэр энэ үнэт эдлэлүүдийг олсон байна. Өнгөрсөн нэгдүгээр сарын 10-нд эхэлсэн малталтын ажил өнгөрсөн сард дууссан аж. Энэ нь 2017 оны дундуур эхэлсэн археологийн том ажлын төслийн гурав дахь үе шат гэж хэвлэлд онцолжээ. 2017,2018 онд төслийн эхний малталтын үеэр 5000 метр квадрат газрыг хамардаг археологийн бүсээс археологичид 42000 гаруй эд зүйлийг олж байсан аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.