Олимпийн аварга халуухан бүсгүйчүүд №2

Эрчүүдэд зориулсан алдарт Махim сэтгүүлээс уншигчдынхаа дунд явуулсан санал асуулгийн дүнгээр олимпийн аварга халуухан тамирчин бүсгүйчүүдийг тодруулсан байдаг. 

Уншигчдын тодруулсан хамгийн халуухан бүсгүйчүүдийг цуврал хэлбэрээр танилцуулж байгаа ба эхний дугаарт орсон Жаклине Карвало, Али Рейсман, Серена Виллиамс нарын зургуудыг үзэхийг хүсвэл ЭНД дарна уу. 

Элен Хоог /Голландын зүлэгтэй хоккейн тамирчин/

Зүлэгтэй хоккейн спортоор Голландын шигшээ багийн гишүүнээр 2004-2016 оны хооронд байх хугацаандаа олимп, дэлхийн хошой аварга болж байсан Элен Хоог өнгөрсөн жил ээж болсон байна. Спортын ертөнцөд шилдэг нь байхаас гадна алдарт Sport Illustrated сэтгүүлд усны хувцастай зургаа авахуулж байсан төгс биетэй халуухан бүсгүй юм. Ээж болохоос нь өмнө түүний Инстаграм хуудаснаа /@ellen_hoog/ халуухан зургуудаар дүүрэн байсан ч ээж болсноос нь хойш халамжит хань, сайн ээжийн төрх олонтаа үзэгдэх болжээ. 

Линдсей Вонн /AНУ-ын уулын цанын тамирчин/

2010 оны олимпоор Линдсей Вонн АНУ-аас анхны уулын цанын олимпийн аварга болж байлаа. Мөн түүнчлэн олимпийн наадмын хошой хүрэл медаль хүртэхийн сацуу дэлхийн хошой алт, гурван удаагийн хүрэл медаль хүртсэн юм. Максим сэтгүүл түүнийг хамгийн халуухан бүсгүйчүүдийн нэгээр зарлаж сэтгүүлийнхээ хавтсанд түүний зургийг хэдэнтээ нийтэлж байжээ. Нэрт жүжигчин Шарон Стоуны залуу үеийнхтэй усны дусал мэт адилхан түүний үзэсгэлэнт төрх олон эрчүүдийг соронзон мэт татсан хэвээр байна. 

Хилари Найт /АНУ-ын шайбтай хоккейн тамирчин/

Багаараа 2018 оны өвлийн олимпийн аварга болж 2010, 2014 онд мөнгөн медаль хүртэж байсан Хилари Найт найман удаа дэлхийн аварга хүртэж байлаа. Тэрээр зөвхөн сайн тамирчин төдийгүй эмэгтэйчүүдийн эрх, хүйсийн ялгаварлан гадуурхалтын төлөө тэмцэгч гэдгээрээ алдартай нэгэн. 

Үргэлжлэл бий..