Говь-Алтай аймагт дахин газар хөдөлжээ
Говь-Алтай аймгийн Тонхил сумын нутагт дахин газар хөдөлжээ. Тодруулбал, Тонхил сумын төвөөс зүүн зүгт 32 километрт орших Тамч багийн “Хатавчын-Ам” гэдэг газар гуравдугаар сарын 24-ний өдрийн 06:47 цагт 4.5 магнитудын хүчтэй газар хөдлөлт болсон тухай мэдээллийг мөн өдрийн 07:00 цагт Одон орон геофизикийн хүрээлэнгээс Онцгой байдлын газарт өгжээ. Мэдээллийн дагуу ус аймгийн Онцгой байдлын газраар дамжуулан Тонхил сумын Засаг даргын Тамгын газрын даргатай холбогдож тодруулахад "Иргэдэд газар хөдлөлтийн чичирхийлэл мэдрэгдсэн, учирсан хохиролгүй" гэж мэдэгдсэн гэж Онцгой байдлын ерөнхий газраас мэдээллээ.
Өмнө энэ сарын 20-ны өдөр тус аймгийн нутагт 3.6-5.8 магнитудын хүчтэй дөрвөн удаагийн газар хөдлөлт болсон бөгөөд газар хөдлөлтийн чичирхийлэл нь Говь-Алтайн зарим сумаас гадна Завхан аймгийн хэд хэдэн сумын нутагт мэдрэгдсэн байна.
Б.НАМУУН
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.