Итали Улсад нэг хоногийн дотор 743 хүн коронавирусийн улмаас нас барлаа
Шинэ төрлийн коронавирусийн халдвар авсан хүний тоо дэлхий дахин 421,413-т хүрч, уг өвчний тохиолдол бүртгэгдсэн улсын тоо 197 боллоо. Итали Улсад сүүлийн 24 цагийн хугацаанд 5249 шинэ тохиолдол бүртгэгдэж, уг вирусийн улмаас 743 хүн нас барсан байна. Ингэснээр Итали Улсад коронавирусийн улмаас нас барсан хүний тоо БНХАУ-д коронавирусээр нас барсан хүний тооноос хоёр дахин олон буюу 6820 болоод байна.
Шинэ төрлийн коронавирус АНУ-д маш эрчимтэй тархсаар байгаа бөгөөд сүүлийн 24 цагийн хугацаанд 9921 шинэ тохиолдол бүртгэгдэж, нийт халдвар авсан хүний тоо 53655 болж дэлхийн гурав дахь том голомтоор нэрлэгдлээ. Коронавирус европ тивийг асар богино хугацаанд нэрвэж, олон мянган хүний амь нас хохироод байгаа бөгөөд сүүлийн 24 цагийн хугацаанд ковид-19 өвчнөөр Испани Улсад 680, Франц Улсад 240, Англи Улсад 87, Нидерланд Улсад 63 хүн нарсан гэдэг харамсалтай мэдээг ДЭМБ-аас зарлаад байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.