Ц.Бямбажав марафон гүйлтээр Токио-2020 олимпод оролцох эрхээ авлаа
Өчигдөр буюу 2020 оны хоёрдугаар сарын 2-ны өдөр Япон улсын Кюшю арал дээр 64 дэх удаагийн “Беппу-Ойта” олон улсын марафон гүйлтийн тэмцээн зохион байгуулагдлаа.
Тус тэмцээнд манай шигшээ багийн болон “Алдар” спорт хорооны тамирчин Ц.Бямбажав 2 цаг 09 минут 03 секунд гүйсэн амжилтаар тавдугаар байр эзэллээ. Ийнхүү тэрээр “Токио-2020” олимпийн наадамд оролцох болзлоо хангаж байна.
IAAF буюу Олон улсын хөнгөн атлетикийн холбоо нь олимпийн их наадамд оролцох тамирчдад босго үзүүлэлт болох эрэгтэй гүйгчид 2 цаг 11 мин 30 секунд, эмэгтэй гүйгчид 2 цаг 29 мин 30 секундээс дотогш амжилт үзүүлсэн тохиолдолд олимпийн их наадамд оролцох эрх нээгдэхээр журамласан байдаг.
Ц.Бямбажавын олимпийн их наадамд эх орноо төлөөлөн оролцох эрх нь манай марафончдын хоёр дахь эрх бөгөөд өмнө нь Б.Мөнхзаяа эрхээ аваад байсан юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.