Төв аймагт нэг иргэн гал түймэрт өртөж амиа алджээ

Онцгой байдлын ерөнхий газарт нийслэл болон орон нутат гал түймрийн таван дуудлага ирснээс гадна эрэн хайх ажиллагаа, амиа хорлох, ослын дуудлага мөн иржээ. 

Баян-Өлгий аймгийн Буянт сумын Өмнөгол багийн “Алаг толгой” гэдэг газар /аймгийн төвөөс баруун урд зүгт 50 км, сумын төвөөс зүүн хойд зүгт 40 км/ мэдээлэл холбоо сүлжээний газрын антенийн байгууламжид жижүүрийн үүрэг гүйцэтгэж байсан иргэн Х/42 настай, эрэгтэй/ 03.06-ны өдрийн 13:00 цагт ажлын газраас гараад сураггүй алга болсон тухай дуудлагыг 03.07-ны өдрийн 06:45 цагт хүлээн авсан.

Нийт 48 хүн, 1 албаны эрэлч нохой, 7 автомашинтайгаар 07:40 цагаас эрэн хайх ажиллагааг зохион байгуулж иргэн Х-ыг 13:20 цагт Өмнөгол багийн Хөх говь гэдэг газраас эсэн мэнд олсон.

Нийслэлийн Сонгинохайрхан дүүргийн 29 дүгээр хороо, Москва хороолол 7 дугаар байрны 11 дүгээр давхраас хүн үсрэх гэж байна гэсэн дуудлагыг 03.07-ны өдрийн 10:41 цагт хүлээн авсан. Нийслэлийн Аврах ангийн 7 алба хаагч, 2 автомашинтай 6.5 км замыг туулан 10:50 цагт очиж 10 минут ажиллан иргэн М/30 настай, эмэгтэй/ нь цонхоор үсрэх гэж байсныг аварч аюулгүй болгон тус дүүргийн Цагдаагийн 2 дугаар хэлтэст шилжүүлэн өгсөн.

 Төв аймгийн Эрдэнэсант сумын иргэн Н-ийн /39 настай, эмэгтэй/ 4 ханатай гэр, эд хогшлын хамт шатсан мэдээллийг 03.08-ны өдрийн 00:55 цагт хүлээн авсан. Уг гал түймэрт нэр, нас, хүйс тодорхойгүй нэг иргэн өртөж нас барсан. Тус сумын Цагдаагийн хэсгийн төлөөлөгч ажилласан.