LIVE: Ө.Энхтүвшин: БНСУ-д нас барсан Монгол иргэн коронавирусийн улмаас амиа алдаагүй гэдгийг БНСУ-ын тал мэдэгдсэн

Монгол Улсын Шадар сайд, УОК-ын дарга Ө.Энхтүвшин НҮБ-ын Суурин зохицуулагч Тапан Мишра, ДЭМБ-ын Суурин төлөөлөгч Сергей Диордица нартай уулзаж цаг үеийн асуудлаар мэдээлэл солилцож байна.

УОК-ын дарга Ө.Энхтүвшин "Улсын онцгой комиссын гишүүд хөл хорио тогтоохоос өмнө орон нутаг руу явж нөхцөл байдалтай танилцсан байгаа. Коронавирус Монголд ороод ирэх вий хэмээн туйлын их болгоомжилж бүхий л арга хэмжээгээ авч ажиллаж байна. Бид нар урьдчилан сэргийлэх арга хэмжээг эрчимжүүлж, хөл хорих арга хэмжээг авч байна. Үүний үр дүнд Монгол Улсад коронавирусийн халдварын тохиолдол бүртгэгдээгүй байна. ЭМ-ийн сайд Засгийн газрын хуралдааны үеэр БНСУ-д нас барсан Монгол иргэн коронавирусийн улмаас амиа алдаагүй. Харин элэгний архаг үрэвслийн улмаас амиа алдсан гэдгийг БНСУ-ын талаас албан ёсоор мэдээлэл өгсөн гэдгийг дуулгасан. Хойшид Засгийн газраас бүхий л арга хэмжээг авахад та бүхний тусламж дэмлэг хэрэгтэй гэдгийг дурдлаа.