Ерөнхийлөгч Х.Баттулга өнөөдөр БНХАУ руу айлчлахаар төлөвлөжээ
Монгол Улсын Ерөнхийлөгч Х.Баттулга өнөөдөр/2020.02.27/ БНХАУ-д айлчилна гэж Хятадын Гадаад харилцааны яамны хэвлэлийн төлөөлөгч Хуа Чүнь-Ин мэдэгдсэн байна.
Харин уг асуудлаар Монгол Улсын Ерөнхийлөгчийн Хэвлэл мэдээлэл, олон нийттэй хаоилцах алба:
-"Одоогоор манайхаас ямар ч албан мэдээ гараагүй байна. Айлчлалд явах, ирэх асуудал нь дан ганц манай улсын гэхээс илүү хоёр улсын ярилцаж тохирсон асуудал билээ. Гэвч зарим нэг хувийн харилцаа, найз нөхдийн харилцаагаа урьтал болгож саймширдаг, төрийн ажлыг юман чинээ боддоггүй хэн нэгэн нь мэдээлэл задруулснаас болж ийм нөхцөлд хүрлээ. Бид айлчлалд явдаг, ирдэг, зарладаг хууль дүрмийнхээ дагуу ажиллаж байгаа тул тогтсон цаг, хугацаанд айлчлалын талаарх мэдээллийг өгөх юм. Юутай ч одоогоор Ерөнхийлөгч болон түүний баг бүрэлдэхүүн ажлын байрандаа байна" хэмээн хэллээ.
Эндээс үзвэл ерөнхийлөгчийн айлчлал өмнө нь товлогдсон айлчлал бөгөөд айлчлалын бүрэлдэхүүнд хэдэн хүн багтаж явах нь тодорхойгүй байна. Мөн коронавирусийн хөл хориотой үед хууль, дүрмээ зөрчин халдварын голомт болсон БНХАУ-д айлчлах гэж байгаа нь олон нийтэд төдийлөн таатай санагдахгүй нь ойлгомжтой. Харин ерөнхийлөгч айлчлалаа хийх, үгүй талаарх шийдвэрийн талаар тун удахгүй мэдээлнэ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.