Эрсдэлд орсон таныг аврах ч гарсан зардлыг иргэн таниар төлүүлнэ

Онцгой комиссын шийдвэрийн дагуу хоёрдугаар сарын 23-27-ныг дуустал улс, хот хоорондын авто тээврийн хөдөлгөөнийг бүрэн хааж байгаа билээ.

Зам хаачихсан энэ өдрүүдэд хулгайн замаар гарч цасанд суух зэрэг эрсдэлд орж холбогдох байгууллагуудад хандахад таныг очиж аварна.

Гэхдээ гарсан зардлыг иргэн та өөрөө төлөх болно. Энэ талаар гамшгаас хамгаалах тухай хуульд тодорхой заачихсан байгаа.

Тиймээс хулгайн замаар явж ойр дотныхноо, хайртай хүмүүсээ эрсдэлд бүү оруулаарай.

Гамшгаас хамгаалах тухай хуульд: 37.2.Иргэн гамшгаас хамгаалах талаар дараахь үүрэг хүлээнэ: 

• 37.2.1.гамшгаас хамгаалах хууль тогтоомж, эрх бүхий байгууллага, албан тушаалтнаас гаргасан шийдвэрийг биелүүлэх;
• 37.2.7.эрх бүхий байгууллага, албан тушаалтны гаргасан шийдвэрийг зөрчсөний улмаас гарсан зардлыг хариуцах.