ХХААХҮ-ийн сайд Б.Батзориг эхнэр Л.Отгонжаргалын нэр дээр бүртгэлтэй “Тээвэр ачлал” гэх компанид Жижиг, дунд үйлвэрлэлийг дэмжих сангаас 1.4 тэрбум төгрөг олгосон гэх мэдээлэл цацагд сан. Ингэснээр түүнийг Жижиг, дунд үйлд вэрлэлийг дэмжих сангийн хөрөнгийг өөрийн хамаа рал бүхий этгээдэд олгох доо давуу байдлаа ашиглан хөндлөн гөөс нөлөөлсөн гэж олон нийт хард сан юм. Энэ талаар ХХААХҮ-ийн сайд Б.Батзоригоос тодрууллаа.

-Эхнэрийнхээ компанид 1.4 тэрбум төгрөг олгосон гэх мэдээлэл цацагдсан. Энэ ямар учиртай юм бэ. Үнэхээр ийм зүйл болсон юм уу?

-Зарим сайт, сониноор ийм мэдээлэл цацагдсан. Би “Тээвэр ачлал” гэдэг нэртэй компанийг мэдэхгүй. Эхнэрийн маань нэр дээр ийм компани бүртгэлтэй байдаггүй. Гүтгэлгийн шинж чанартай мэдээлэл. Удаа дараа ийм мэдээлэл гаргавал хууль хяналтын байгууллагад хандана.

-Өнгөрсөн жил хэдэн төгрөгийн зээл олгосон юм бэ?

-2016 онд УИХ-ын ээлжит сонгуулиар жижиг, дунд үйлдвэрлэлийг дэмжинэ, өрхийн орлогийг нэмэгдүүлнэ гэж мөрийн хөтөлбөртөө тусгасан. Жижиг, дунд үйлдвэрлэлийг дэмжих сангаас олгодог зээл их зүгээр юм билээ. Өнгөрсөн жил 70 орчим тэрбум төгрөг тусгаж аж ахуйн нэгжид олгосон. 800 орчим тэрбум төгрөгийн зээл хүссэн 1000 гаруй компаниас өргөдөл ирсэн. Харамсалтай нь энэ бүх хүсэлтийн хангах боломжгүй. Сангаас зээл авсан компаниуд зээлээ хариуцлагатай төлдөг. Энэ бол иргэдээ ажилтай, орлоготой болгоё гэдэг бодлогын зээлийн сан шүү дээ. Цаашдаа ч жижиг, дунд бизнес эрхлэгчдээ салбар яамнаас дэмжиж ажиллана. Жижиг, дунд үйлдвэрлэлийг дэмжих чиглэлээр Засгийн газрын үйл ажиллагааны дагуу салбар сайдын хувьд цөөнгүй ажил санаачилж хийхээр төлөвлөсөн. Гэхдээ хөндлөнгөөс нөлөөлөх эрх, чадамж надад байхгүй. Шударгаар олгодог зээлийн сан.

---