ЦЕГ: Тагнуулын ажилтнууд дээрэм хийсэн гэх хэргийг шалгаж байна
ТЕГ-ын алба хаагчид урьд шөнө галт зэвсэг ашиглан дээрэм хийсэн талаарх мэдээлэл олон нийтийн сүлжээгээр тархсан. Уг хэргийн талаар ЦЕГ-аас тодруулахад “Энэ хэргийн талаар яг одоо мэдээлэл хийх боломжгүй байна. Урьд шөнө цагдаагийн байгууллагаас ажиллагаа явуулсан. Одоо шалгаж байгаа” гэх хариуг өглөө.
Албан бус эх сурвалжийн мэдээллээр ТЕГ-ын ажилтнууд тусгай хувцас хэрэглэлтэйгээ гадаадын иргэнээс 300 орчим сая төгрөг дээрэмдэх гэж байгаад баригдсан гэх мэдээлэл байна.
Бид уг асуудлаар ТЕГ-ын хэвлэл мэдээллийн хариуцсан ажилтантай холбогдож тодруулах гэсэн боловч тэрбээр утсаа унтраасан байв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.