LIVE: Ж.Батбаясгалан: Угаарын хий мэдрэгчийг 45 юаниар авч, иргэдэд тараана
Нийслэлийн орлогч дарга Ж.Батбаясгалан:
-Угаарын хий мэдрэгчийн стандартаа бид гаргаж өгөхөд нэгж бүр нь 20-40 мянган төгрөгийн төхөөрөмж санал болгосон нийт 37 компани санал ирүүлсэн. Үүнд 3,5 тэрбум төгрөг зарцуулна. Анх төсөвлөж байснаар 2,5 тэрбум төгрөг хэмнэсэн. Энэ долоо хоногт захиалсан хий мэдрэгчийн 50 хувь /80 000 ширхэг/ нь ирнэ. Ирэнгүүт тараахаар бэлтгэл ажлаа хангаад байна. Нийт 200 мянган айл өрхөд тараана гэсэн юм.
Хотын орлогч Ж.Батбаясгалан ШИНЭ намын удирдлагуудад мэдээлэл хийхдээ "БОАЖ-ын сайдын багцаас 3.5 тэрбум төгрөг гаргаж, БНХАУ-ын PJA компанитай шууд гэрээ байгуулан, үйлдвэрийн үнэ буюу 45 юаниар худалдан авахаар болсон, эхний ээлжинд буюу энэ долоо хоногт багтан 80 мянган ширхэг угаарын хий мэдрэгч нийлүүлнэ" гэж хэлжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.