ВИДЕО: Төрийн шагналт түүхч Д.Өлзийбаатарын "Лхүмбийн хэрэг" номын нээлт боллоо
Монгол Улсын төрийн шагналт түүхч, түүхийн ухааны доктор Дэмбэрэлийн Өлзийбаатарын хувьд 1930-аад оны хэлмэгдүүлэлтийн талаар олон жил судалснаас гадна цагаачлалын албанд ажилласан байдаг. Тэрбээр өнгөрсөн онд гурван ном хэвлүүлсний нэг нь “Лхүмбийн хэрэг” номын нээлт өнөөдөр боллоо.
Уг номын хувьд "Монголын XX зууны түүхэн цуврал"-аар бичсэн "Лхүмбийн хэрэг" хэмээх улстөрийн хэлмэгдүүлэлтийн тухай баримтат бүтээл юм. Түүхч Д.Өлзийбаатар "Бид ямар түүх туулж ирснийг өвгөд дээдсийн минь асгаруулсан цус гэрчилнэ" хэмээн номынхоо оршилд онцолжээ. Лхүмбийн хэрэг ном нь Ж.Лхүмбийг баривчилсан хийгээд Хэнтийд болсон үйл явдал, Их гүрнүүдийн бодлого ба Монголчуудын тусгаар тогтнолынхоо төлөө хийсэн тэмцэл зэрэг дөрвөн бүлэгтэй ажээ.
1930-аад оны улс төрийн хэлмэгдүүлэлтийн шалтгааныг нэгтгэн дүгнэж, түүнээс үүдэн гарах сургамж юу вэ гэдгийг өгүүлэх энэхүү ном гурван цуврал гарна гэдгийг зохиолч маань дурдсан юм. “Лхүмбийн хэрэг” номын ерөнхий редактораар МУИС-ийн Түүхийн тэнхимийн эрхлэгч, доктор П.Дэлгэржаргал ажиллажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.