Жолооч нар үүргээ биелүүлээгүйгээс осолд орсон иргэн амиа алджээ

Тээврийн цагдаагийн албанд баярын болон амралтын өдрүүдэд /12.31-01.01/ иргэдээс нийт 512 дуудлага мэдээлэл хүлээн авсан байна. Үүнээс зам зам тээврийн ослын шинжтэй 433 дуудлага бүртгэгджээ. Зам тээврийн ослын улмаас 1 хүн нас барж 5 хүн гэмтсэн. Согтууруулах ундааны зүйл хэрэглэсэн үедээ тээврийн хэрэгсэл жолоодсон 60 зөрчлийг гудамж замын хяналт шалгалтаар илрүүлсэн бол 3 жолооч согтуугаар тээврийн хэрэгсэл жолоодон зам тээврийн осолд холбогдсон байна.

Тухайлбал: 12 сарын 31-ны орой 21:40 орчим ХУД-н 15 хороо Наадам центрийн баруун замд 45-50 насны эрэгтэйг улсын дугаар, марк тодорхойгүй автомашин дайрч ослын газрыг орхиж явсан. Тухайн иргэн ГССҮТ-д хүргэгдээд нас барсан. Тухайн хэргийг ТЦА-ны ЭЦХ-н алба хаагчид тухайн шөнө эрэн сурвалжилж 01 сарын 01-ны өдөр осол гаргасан тээврийн хэрэгслийг холбогдогчийн хамт шуурхай илрүүлэн шалгалтын ажиллагааг үргэлжлүүлж байгаа юм байна.

Тухайн хохирогч зорчих хэсэг дээр хэвтэж байхад жолооч нар жолоочийн үүргээ биелүүлж, тусламж үзүүлээгүй тойрч гарч явсаар байсан бөгөөд улмаар хохирогч амиа алдахад хүрчээ. Иймд жолоочий үүргээ биелүүлээгүй тээврийн хэрэгслүүдийг илрүүлэн тогтоож хуулийн дагуу арга хэмжээ тооцно гэдгийг Тээврийн цагдаагийн албанаас мэдээллээ.

Монгол улсын Замын хөдөлгөөний дүрэмд жолооч осолд холбогдсон иргэнд эмнэлгийн анхан шатны тусламж үзүүлж, цагдаагийн байгууллагад мэдээллэх үүрэгтэй гэж заасан байдаг юм.