ВИДЕО: Дэлхийн Таеквондогийн оны шилдгүүдийг нэрлэж байна

Дэлхийн Таеквондогийн холбооны 2019 оны шилдгүүдээ зарлалаа. 

ОХУ-ын Москва хотноо дэлхийн таеквондогийн холбооны удирдах зөвлөлийн хурал болж оны шилдгүүдээ шалгаруулах ёслолын арга хэмжээг зохион байгууллаа. Удирдах зөвлөлийн хурлаас гарсан нэгэн чухал шийдвэр бол "Токио 2020" олимпийн их наадмын таеквондогийн тулааны өмсгөлийн шинэчилсэн загварыг баталлаа. Таеквондогийн спорт нь уламжлалт тулааны урлагаас олимпийн их наадмын үндсэн төрөл болохын хувьд спортын хөгжлийн дагуу дүрэмт хувцас нь хувьсан өөрчлөгдөх ёстой гэж тэд үзжээ. 

Оны шилдэг дасгалжуулагч: Реза Мехмандоуст /Азербайжан/ 

Шилдэг эмэгтэй шүүгч:  Ксениа Левай /Серби/

Шилдэг эрэгтэй шүүгч: Денис Ким /ОХУ/

Шилдэг эмэгтэй тамирчин:  Олимпийн хүрэл, дэлхийн хошой аварга Панипак Вонгпаттанакит /Тайланд/

Эмэгтэйчүүдийн -49 кг жинд олимп болон дэлхийн чансааг тэргүүлж буй Панипак Вонгпаттанакит нь энэ жил дэлхийн аваргад дахин түрүүлэхээс гадна Оюутны Универсиад их наадам, Чиба гран при тэмцээнд мөн түрүүлсэн юм. 

Шилдэг эрэгтэй тамирчин: Ази тив болон дэлхийн хошой аварга Жан Жун /БНСУ/

Эрэгтэйчүүдийн -58 кг жинд олимп болон дэлхийн чансааг тэргүүлж буй Жан Жун нь энэ жил дэлхийн аварга шалгаруулах тэмцээн болон Рома, Чиба, Софиагийн гран при тэмцээнүүдэд түрүүлсэн байна.  

Оны шилдэг өшиглөлт: Кьё Дон /БНСУ/