Хуурамч архи үйлдвэрлэж байсныг илрүүлжээ

Эрүүгийн цагдаагийн газраас ирүүлсэн мэдээллийн дагуу НМХГ-аас Сүхбаатар дүүргийн нутаг дэвсгэрт гэрийн нөхцөлд нэр бүхий компанийн архийг хуурамчаар үйлдвэрлэж байсан нөхцөл байдалд хяналт шалгалт явуулжээ. Архидан согтуурахтай тэмцэх тухай хуульд зааснаар гар аргаар архи үйлдвэрлэх хориотой, гэмт хэргийн шинж чанартай үйлдэл. Иймд Мэргэжлийн хяналтын байгууллагаас тус архийг ямар спиртээр хийсэн, сав баглаа боодол, найрлага зэргийг тодруулахаар ажиллаж байгаа аж. 

Шинэ жилийн баяр болж буйтай холбогдуулан хуурамч бүтээгдэхүүн ихэсдэг тул иргэд энэ төрлийн бүтээгдэхүүн худалдаж авахдаа хаяг шошго хуучин эсэх, үйлдвэрлэсэн хугацаа, цэвэр байдал, шилний сэв, зэргийг сайтар харж албан ёсны худалдааны газраас сонгож авахыг зөвлөж байна.