Экспорт 574.8 сая ам.доллароор өсжээ
Монгол Улс оны эхний 11 сард дэлхийн 150 улстай худалдаа хийж, гадаад худалдааны нийт бараа эргэлт 12.6 тэрбум ам.доллар, үүнээс экспорт 7.1 тэрбум ам.доллар, импорт 5.6 тэрбум ам.доллар боллоо.
Харин арваннэгдүгээр сард экспорт 526.9 сая ам.долларт, импорт 519.3 сая ам.доллар болж, өмнөх сараас экспорт 55.7 сая ам.доллароор буурч, импорт 53.5 сая ам.доллароор өсжээ.
Зургийн тайлбар: Экспорт, импорт, тэнцэл, сараар, сая ам.доллар
Нийт бараа эргэлтийн хэмжээ өмнөх оны мөн үеэс 787.1 сая ам.доллар, үүнээс экспорт 574.8 сая ам.доллароор, импорт 212.3 сая ам.доллароор тус тус өссөн байна.
Гадаад худалдааны тэнцэл 2018 оны эхний 11 сард 1.1 тэрбум ам.долларын ашигтай гарч байсан бол 2019 оны эхний 11 сард өмнөх оны мөн үеэс 362.6 сая ам.доллароор нэмэгдэж, 1.5 тэрбум ам.долларт хүрчээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.