П.Орхоныг сэргээш хэрэглэсэн болохыг албан ёсоор зарлалаа

UWW буюу дэлхийн бөхийн нэгдсэн холбооноос өчигдөр буюу 2019 оны 12 дугаар сарын 16-ний өдөр өөрийн албан ёсны цахим сайтад Монгол улсын тамирчин П.Орхоныг сэргээш хэрэглэсэн болохыг зарлаж Жакарта Азийн наадмын чөлөөт бөхийн эмэгтэйчүүдийн -62 кг жингийн медалийг дахин хуваариллаа.

Уг сайтад мэдээлснээр 2018 оны Азийн наадмын дараа эмэгтэйчүүдийн -62 кг жинд алтан медаль хүртсэн Монгол улсын тамирчин П.Орхоноос хориглосон эмийн жагсаалтын S1.1a ангиллын Станозолол хэмээх бодис илэрсэн болохыг баталсан байна. Иймд түүний барилдах эрхийг 2022 оны есдүгээр сарын 16-ний өдөр хүртэл хасах шийдвэрийг гаргасан байна. Мөн түүнчлэн Жакарта Азийн наадмын чөлөөт бөхийн эмэгтэйчүүдийн -62 кг жингийн медалийг дараах байдлаар дахин хуваарилахаар шийдсэн байна. 

Алтан медаль: Айсулуу Тинибекова /Киргизстан/

Мөнгөн медаль: Рисако Кавай /Япон/

Хүрэл медаль: Нгуен Ти Ми Хан /Вьетнам/, Рим Жон Сим /Ардчилсан Солонгос/

Мэдээллийн эх сурвалж: www.unitedworldwrestling.org