Walmart зул сарын баярын цамцаа худалдаанаас эргүүлэн татав
Walmart сүлжээ дэлгүүрийн худалдаанд гаргасан зул сарын баярт зориулсан ноосон цамцыг мансууруулах бодис сурталчилсан гэж үзэн хэрэглэгчид гомдол гаргаж, шүүмжилжээ. Дэлгүүрийн зүгээс олон нийтээс уучлалт гуйж, уг цамцыг худалдаанаас эргүүлэн татсанаа мэдэгджээ.
Цамцны урд талд Санта Клаус ширээний ард суусан байгаа зургийг хэвлэсэн байна. Сантагийн урд талын ширээн дэр гацуур мод, гурван ширхэг урт цагаан зураас харагдаж байгаа нь мансууруулах бодистой ижил харагдаж байгаа ажээ.
Сүлжээ дэлгүүр Let it snow гэсэн бичигтэй уг цамцыг үйлдвэрлээгүй, ердөө дамнан худалдаж байсан тул дахин худалдахгүй хэмээн хүлцэл өчсөн байна. Walmart-аар дамжуулан худалдаа эрхлэхийг гурав дагч этгээдүүдэд зөвшөөрдөг ба тэд дэлгүүрийн сайтыг ашиглах боломжтой байдаг. Тус дэлгүүр 2017 онд үүнтэй төстэй байдлаар үйлчлүүлэгчдээс хүлцэл өчиж байсан тохиолдол бий.
Энэ жил зул сарын баярыг угтаж Амазон цахим худалдааны сүлжээнд байршуулсан байсан гурав дагч худалдаалагчийн гацуур модны чимэглэлийг мөн худалдаанаас эргүүлэн татсан билээ. Уг чимэглэлд Аушвицын хорих лагерийг дүрсэлсэн байсан нь нацист дарангуйлалд өртөж үй олноороо усатсан еврейчүүдийн дурсгалд хүндэтгэлгүй хандсан гэх шүүмжлэлд өртсөн юм.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.