Буркина Фасогийн сүмд халдагсад скүтерээр зугтжээ
Баруун Африкийн далайд гарцгүй Буркина Фасо улсад христийн сүмд зэвсэгтэй этгээдүүд гал нээж 14 хүн амиа алдсан талаар мэдээлж байна. Хохирогчид ням гарагт Хантукура хотын христийн сүмийн арга хэмжээнд оролцож байжээ.
Зэвсэгт халдлагыг хаанаас зохион байгуулсан болон ямар сэдэлтэйгээр сүм рүү дайрч иргэдийн амь насыг хохироосон нь тодорхойгүй байна.
Ойрын жилүүдэд исламын хэт даврагсдын бүлгүүд үндэстэн болон шашин хоорондын мөргөлдөөний улмаас халдлага үйлдсээр хэдий нь олон зуун иргэн амиа алдаад байгаа юм. Тэр дундаа Мали улсын хилийн ойролцоо бүсэд халдлага дайралт гарсаар байна.
Засгийн газрын эх сурвалжийн мэдээлснээр ням гарагийн халдлагаар 10 гаруй хүн амиа алдсанаас гадна олон хүн гэмтэж шархаджээ. Албан бус эх сурвалжийн мэдээлснээр зэвсэгтэй этгээдүүд хэргийн газраас скүтер унаж зугтсан байна.
Сарын өмнө исламын сүмд зэвсэгтэй этгээдүүд халдаж 15 хүн амиа алдаж, хоёр хүн хүндээр шархаджээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.