Монгол банкны алт худалдан авалт 27 хувиар буурчээ

Монголбанк 2019 оны эхний 10 сард 12.9 тонн үнэт металл худалдан авсан нь өмнөх оны мөн үеэс 4.9 тонноор бага буюу 27%-иар буурсан үзүүлэлттэй байна. Өнгөрсөн оны энэ үед 17.8 тонн үнэт металл худалдан авч байжээ.

Монголбанк 2019 оны 10 дугаар сард 1.7 тонн үнэт металл худалдсан авсан ба үүнээс Дархан-Уул аймаг дахь Монголбанкны хэлтэс 51.8 кг үнэт металл, Баянхонгор аймаг дахь Монголбанкны салбар 58.7 кг үнэт металлыг худалдаж авсан нь өмнөх оны мөн үед 3.4 тонн үнэт металл худалдан авч байснаас 1.7 тонноор буурсан үзүүлэлттэй юм. Ингэж алт тушаалт буурсан үзүүлэлттэй байгааг Ашигт малтмалын нөөц ашигласны төлбөр/АМНАТ/ оны эхнээс нэмэгдэж 5 хувьд хүрсэнтэй холбон тайлбарлах хүмүүс ч бий. Гэхдээ Монгол банкнаас алт тушаалт буурч байгаа шалтгааныг албан ёсоор тайлбарлаагүй байна. 

Өнөөдрийн байдлаар 1 грамм алт худалдан авах Монголбанкны дундаж үнэ 128,362.91 төгрөг байна.