Лэди Гагагийн алдагдсан даашинзыг дуудлагаар худалдана

Алтан бөмбөрцөг кино наадам өнгөрсөн нэгдүгээр сард Беверли Хилтон зочид буудалд зохион байгуулагдаж шилдгүүдийг шалгаруулсан. Энэ үеэр дуучин, жүжигчин Лэди Гага Хилтон зочид буудалд байрлаж байсан өрөөндөө Алтан бөмбөрцөгийн улаан хивсний ёслол дээр өмсөж олныг гайхшруулсан Валентиногийн хээнцэр тансаг даашинзаа мартжээ.

Наадмын маргааш Лэди Гагагийн хоносон өрөөг цэвэрлэж байсан зочид буудлын үйлчлэгч тансаг даашинзыг олсон ба тэрээр дуудлагаар худалдахыг хүссэн байна. Лос Анжелест байдаг Нэйт Сандерсын дуудлага худалдаа даашинзын анхны үнийг 8,000 ам.доллараас эхлэн дуудахаар болжээ.

Даашинзыг олсон зочид буудлын үйлчлэгч буудалд амарсан зочдын мартсан, гээсэн эд зүйлс дунд үлдээсэн ч нэгдүгээр сараас хойш алдарт дуучин Гага даашинзаа эргэн нэхээгүй байна. Тиймээс өнгөрсөн есдүгээр сард буудлын удидлага даашинзыг олсон үйлчлэгчид бэлэг болгон эргүүлэн өгснийг батлах захидлыг дуудлага худалдааны ордон олон нийтэд дэлгэн харуулжээ.

Улаан хивсний ёслолд өмссөн Лэди Гагагийн тэнгэрийн өнгөтэй Валентиногийн даашинз хоёр хэсгээс бүрдэх аж. Шал шүргэсэн урт хормой, гурван метр урт залгаас бүхий даашинзыг 20-40,000 ам.доллараас илүү үнэ хүрнэ гэж найдаж байна. Гэсэн ч даашинзыг өнгөрсөн хугацаанд хулгайд алдагдсан гэх яриа гарсан юм. Хэдий хулгайд алдагдсан байж болох  ч дуудлага худалдаа товлосон ёсоор явагдана гэжээ.

Лэди Гага “Star is Born” киногоороо Алтан бөмбөрцөг кино наадамд нэр дэвшин ирэхдээ 1954 онд анх Жуди Гарландын өмсөж байсан, Валентиногийн бүтээл хариуцсан захирал Пиерпаоло Пиччиолигийн даашинзаар гоёхдоо Тиффанигийн үнэт эрднийн чулууг хүзүүндээ зүүж, даашинзны хормойгоо хоёр туслагчаар бариулан ирсэн юм.

Эх сурвалж: www.cnn.com