Өчигдөр орой/2019.10.29/ "Кентавр", "Амар", "Юнион", "Орентал" зэрэг таван газарт байрлаж байсан 800 гаруй хятад иргэнийг саатуулан шалгаж байгаа. Тэд “Intel i9-9900k процессор, найман коортой 5.0GHz хурдтай буюу асар хурдтай 1000 компьютер ашиглаж байжээ.

Тэднийг цахим гэмт хэрэгт холбогдуулан саатуулсан бөгөөд одоогоор мөрдөн шалгах ажиллагаа явуулж байгаа юм. Гэвч манай улсад ганц байх "Баривчлах төв" ачааллаа дийлэхээ байсан учир тэднийг албадан саатуулах төвд оруулах ямар ч боломжгүй болсон байна. Тиймээс дээрх иргэдийг байрлаж байсан буудлынх нь хонгилд түр саатуулж байгаа аж.

Дээрх хятад иргэд өнгөрсөн 8-р сараас хойш жуулчны визээр цуварч орж ирсэн байна. Улмаар тэд хууль бусаар ажил хийсэн учир албадан гаргах ажиллагаа хийнэ гэж албаныхан мэдэгдэж байна. 

Манай улсын албадан саатуулах төв өдөрт 400 хүн авах хүчин чадалтай бөгөөд ойрын үед саатуулах төвд баривчлагдан саатуулагдах иргэдийн тоо өсч, дүүргэлт өндөр байгаа юм байна. Гол шалтгаан нь нь Зөрчлийн тухай хууль хэрэгжиж эхэлсэн болон Цагдаагийн байгууллагуудын цаг үеийн баривчилгаа зэрэг нөлөөлж байгаа ажээ.

---