Токиогийн олимпийн медалийг 80.000 тонн гар утасны хаягдалаар бүтээжээ

Хүн төрөлхтний энх тайван, эв нэгдлийн бэлгэдэл болсон спортын хамгийн том баяр олимпийн наадам ирэх оны 7-р сарын 24-нд Японы Токио хотноо эхэлнэ.

Токиогийн олимп эхлэхэд 268 өдөр үлдээд байна. Дэлхийн бүхий л улс орнуудын баг, тамирчид энэ өдрүүдэд спортын төрөл бүрээр олимпийн их наадамд оролцох эрхийн төлөө өрсөлдөж байна.

Олимпийн их наадмыг зохион байгуулагчдын зүгээс өнгөрөгч долоодугаар сард Олимпийн их наадмын медалийг загварыг олон нийтэд танилцуулсан билээ. /манай сайт “Токио 2020” олимпийн наадмын медалийн утга агуулгын талаар нийтэлж байсан ба та уг нийтлэлийг уншихыг хүсвэл энд дарна уу/

Тэд энэ удаагийн олимпийн медалийг хаягдал гар утас болон электрон төхөөрөмжийн хаягдлаас гаргаж авсан үнэт металлуудаар бүтээхээр хэдэн жилийн өмнө хаягдлуудыг цуглуулж эхэлсэн ба Япон улсын өнцөг булан бүрээс нийт 80.000 тонн хаягдал гар утас, электрон төхөөрөмж цуглуулсан байна. Тэдгээр хаягдлуудаас олимпийн их наадам болон Паралимпийн нийт 5000 гаруй медалийг урлажээ. 
Зохион байгуулагчдын хэлж буйгаар "хэрэглээний цахилгаан хэрэгслийг дахин боловсруулж байгаль орчинд ээлтэй, ирээдүйдээ оруулж буй хөрөнгө оруулалт нь Токио 2020 наадмын үнэт өв болно" хэмээн тодорхойлсон байна.