Их хэмжээний бэлэн мөнгө авч явсан онгоцны үйлчлэгчдийг баривчилжээ

Американ Эйрлайнс нислэгийн компанийн онгоцны дөрвөн үйлчлэгч их хэмжээний мөнгөн дэвсгэрт авч яваад Майамигийн олон улсын нисэх буудлаас баривчлагдсан байна. Нислэгийн компанийн зүгээс  хэргийн мөрдөн шалгах ажлыг хууль хяналтын байгууллагын хамт үргэлжлүүлж байна гэжээ.

Онгоцны үйлчлэгчид даваа гарагт баригдах үедээ шалган нэвтрүүлэх хэсгээр зорчиж байжээ. Чили улсаас ирсэн нислэгийн багт багтсан Карлос Альберто Муноз Мояно хилийн харуулын хэр их хэмжээний мөнгө авч явааг асуусан асуултад ердөө 100 ам.доллар гэж хариулжээ. Гэвч түүнийг 9,000 ам.доллартай явж байсныг илрүүлжээ.

Үүний дараа цуг нислэг үйлдсэн үйлчлэгчдийг шалгахад их хэмжээний бэлэн мөнгө авч явах тусгай зөвшөөрөлгүй ч тус бүр 6,000-7,000 ам.долларын дэвсгэрт тээвэрлэж байжээ. Тэднийг зөвшөөрөлгүй их хэмжээний мөнгө хил давуулахыг оролдсон болон мөнгө угаах гэмт хэрэгт холбогдсон, хуурамч мэдүүлэг өгсөн хэргээр яллах юм байна.

Эх сурвалж: www.cnn.com