Дуучин Б.Амархүүг шүүх хурлын тов гарлаа
Буриад Улсын гавьяат жүжигчин, дуучин Борхүүгийн Амархүүгийн шүүх хурлын урьдчилсан хэлэлцүүлэг өнөөдөр 11.30 цагт боллоо. Урьдчилсан хэлэлцүүлгээр Б.Амархүүгийн гэм буруугийн шүүх хурлыг аравдугаар сарын 29-ний өдрийн 14.00 цагаас хийхээр товлосон байна.
Б.Амархүү нь ХУД-ийн нутаг дэвсгэрт есдүгээр сарын 19-20-нд шилжих шөнө өөрийн эзэмшлийн бенц машиндаа мансуурч байгаад ЦЕГ-ын хар тамхитай тэмцэх албаны алба хаагчдад баривчлагдсан юм. Түүнд Нийслэлийн прокурорын газраас Эрүүгийн хуулийн тусгай ангийн 20.7 дугаар зүйлийн 1 дэх хэсэгт зааснаар яллах дүгнэлт үйлдэн Хан-Уул дүүргийн Эрүүгийн хэргийн анхан шатны шүүхэд хүргүүлээд байгаа юм.
Шүүхээс Б.Амархүүг гэм буруутай хэмээн үзвэл 1-5 хүртэлх жилийн хорих ял оноох аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.