ВИДЕО: Өөрийгөө анагаах чадвартай, 720 хүйстэй амьд биет
Парис амьтан судлалын хүрээлэн энэ амралтын өдөр “толбо” гэж нэрлээд буй өвөрмөц мөлхөө биетийг танилцуулахаар болжээ. Өнгөлөг шар толбо мэт харагдах уг биет тархигүй мөртлөө цагт дөрвөн см-ээр өсч, өөрийгөө хоёр хувааж анагаах чадвартай байна.
Ховор тохиолдох амьд биет нь нэгэн төрлийн замаг бөгөөд ургамал, амьтан, хөгц мөөгөнцрийн аль нь биш ажээ. Учир нь ихэнх ургамал амьтан эр, эм гэсэн хоёр хүйстэй байдаг ч “толбо” 720 хүйстэй. Парисын амьтан судлалын хүрээлэнгийн мэдээлснээр уг өвөрмөц амьд биет нь өөр биетэд хуваагдаж, дараа нь эргээд уусан нэгдэх чадвартай ажээ.
Нэг эст амьд биет тэрбум орчим жилийн настай боловч 1973 оны тавдугаар сард эрдэмтэн судлаачдын анхааралд анх өртсөн байна. АНУ-ын Техас мужийн оршин суугч эмэгтэй арын хашаандаа маш хурдацтай тархаж томорч буй шар өнгийн толбо мэт зүйлийг олж харжээ. Уг шар толбо удалгүй мөхсөн бөгөөд 2016 онд түүнтэй холбоотой шинжлэх ухааны шинэ судалгаа нийтлэгдэх хүртэл мартагдсан байсан юм.
Эрдэмтэд нэг эст замгийг хоол ундны үлдэгдэлтэй сав суулганд үүсдэг ба овьёосны гурилаар хооллох дуртай гэжээ. Хуайс мод, царс, самрын модны холтос түүний байх дуртай газрууд юм байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.