ВИДЕО: Снукер биллиардын "English Open" тэмцээний эхний тойрог

Снукер биллиардын 2019/2020 улирлын дөрөв дэх чансаа олгох тэмцээн болох English Open тэмцээн өчигдөр албан ёсоор эхэллээ. 

Тэмцээнд дэлхийн шилдэг 128 тамирчин цуглаад байгаа ба эхний тойргийн тоглолт сонирхолтой тоглолтуудаар дүүрэн байлаа. Тодруулбал:

• Дэлхийн чансааг тэргүүлэгч Жадд Трамп энэ жил тун "өнгөтэй" байгаагаа илтгэн 2002 оны дэлхийн аварга хашир туршлагатай Петр Эбдонг 4:0 харьцаагаар буулган авч хоёрдугаар шатанд шалгарлаа. 
• Дэлхийн чансааны 2-т эрэмбэлэгдэж буй Ронни О Сулливан чансаа доогуур Жэми О Нойлтой эхний хоёр тоглолтод дараалан хожигдож улмаар нөхөж 4:3 харьцаагаар хожин дараагийн шатанд шалгарлаа. 
• Дэлхийн гурван удаагийн аварга Марк Селби мөн чансаа доогуур Барры Пинчестэд мөн эхний хоёр тоглолтдоо дараалан хожигдсоны дараа нөхөж 4:2 харьцаагаар буулган авсан байна. 
• Харин чансаа өндөртэй тамирчид болох Али Картер, Дин Жунхуй нар эхний тойрогт хожигдон тэмцээнээ дуусгалаа. 

Снукер биллиард сонирхогчдодоо Пуужин хочит Ронни О Сулливан Жэми О Нойлтой тоглосон тоглолтын бичлэгийг толилуулж байна.