Иргэд: Орой 20:00 цагаас хойш айгаад гал түлэхгүй байна
Угаарын хийнд хордлоо гэх дуудлага мэдээлэл тасрахгүй байна. Өнгөрсөн амралтын өдрүүдэд л гэхэд Яаралтай тусламжийн утсанд угаарын хийнд хөнгөн, хүнд хэлбэрээр хордсон гэх есөн өрхийн 26 хүн ханджээ. Улмаар өнөөдөр/2019.10.14/ 25 настай эмэгтэй нас барсан юм. Тиймээс үүссэн нөхцөл байдалтай холбоотойгоор Нийслэлийн мэргэжлийн хяналтын байгууллага гурван ээлжээр 24 цагийн турш ажиллаж байгаа юм байна.
Бид мөн гэр хороололд оршин сууж байгаа иргэдийн нөхцөл байдлыг газар дээрээс нь сурвалжлан хүргэсэн. Утаагүй түлш түлж байгаа айлууд зарим нь утаа багатай гэж үзэж байгаа ч зарим нь илч муутай, утаа, тортог, үнэр ихтэй байгааг хэлж байлаа. Улмаар үнэрт нь толгой өвдөх хандлагатай байгааг ч онцолж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.