МАХН-ын гадаах иргэдийн "оочер" буюу сонгуулийн шоу
Сонгуулийн шоу аль эрт эхэлсэн талаар бид өмнө нь мэдээлсэн. Үүний нэгэн баталгаа нь Хөвсгөл аймгийн засаг дарга Д.Ганболд хоёр, гуравхан хоногийн өмнө аймгийнхаа иргэдэд дээлийн торго, дурдан тараасан явдал байв.
Тэгвэл зарим нам, улс төрчид бүр мөрийн хөтөлбөрөө зарлаад эхэлжээ. МАХН-ын Нийслэлийн намын дарга Э.Эрдэнэжамъян цахим хуудастаа "Ирэх сонгуулиар МАХН ялбал орон сууцны зээлийн хүүг 0 болгож, одоо зээлтэй байгаа иргэдийн төсөлн хүүг үндсэн төлбөрт тооцно" хэмээн "мэдэгдэв".
Үүнийхээ дараахан буюу өчигдөр/2019.10.05/ тус намаас орон сууцны 0 хувийн хүүтэй зээлэнд хамрагдах иргэдийн бүртгэлийг зохион байгуулж эхэлжээ. Улмаар УИХ-ын сонгуульд МАХН "Өрх бүрт орон сууц" хөтөлбөр санал болгож буйгаа ч зарлаж, нээлтээ ч хийсэн байна.
Гэвч цахим хуудаст МАХН-ын мөрийн хөтөлбөр бүхйи уг төслийг шүүмжилж, хэзээ ч бүтэхгүй хоосон мөрөөдөл хэмээн үзэх хүмүүс ч багагүй байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.