Томоохон худалдааны төвүүдийн нийтийн бие засах газар үнэ төлбөргүй боллоо
Нийслэлийн мэргэжлийн хяналтын газраас томоохон зах, худалдааны төвүүдэд “Нийслэлийн худалдаа, үйлчилгээний нийтлэг журам”-ын хэрэгжилтийг хангуулан ажиллаж, нийтийн бие засах газруудыг иргэдэд үнэ төлбөргүй үйлчилдэг болгожээ.
“Нийслэлийн худалдаа, үйлчилгээний нийтлэг журам”-ын 8.1.5 дахь хэсэгт “Худалдаа, үйлчилгээний газар нь нийтийн бие засах газар, ариун цэврийн өрөөгөөр иргэдэд үнэ төлбөргүй үйлчилнэ” гэсэн заалтын хэрэгжилтийг хангуулахаар Нийслэлийн Мэргэжлийн хяналтын газрын дэд даргын 02-03/3862 тоот албан бичгийн дагуу дээрх ажлыг хийсэн байна.
Уг ажлын хүрээнд “Хүчит шонхор” ХХК-ийн “Шонхор”, “Анко” ХХК-ийн “Нарантуул-2”, “Мөнгөт цахир трейд” ХХК-ийн “Нарлаг дэнж” худалдааны төвүүд нь төлбөртэйrээр үйлчилж байсныг болиулж, нийтийн засах газар болон ариун цэврийн өрөөг 2019 оны аравдугаар сарын 01-ний өдрөөс эхлэн иргэдэд төлбөргүйгээр үйлчилж эхэлсэн байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.