Махатма Гандийн мэндэлсний 150 жилийн ойгоор чандрыг нь хулгайлжээ
Энэтхэг улс эрх чөлөө, тусгаар тогтнол, хүний эрхийн бэлгэ тэмдэг болсон Махатма Гандийн мэндэлсний 150 жилийн ойг энэ долоо хоногт тэмдэглэж байгаа юм. Гэвч хулгайч нар түүний чандар болоод зарим эд зүйлсийг хулгайлсан байна.
Махатма Гандийн чандар 1948 онд түүнийг бусдад алагдсанаас хойш дурсгалыг нь хүндэтгэх газарт хадгалагдаж иржээ. Гэвч хулгайч нар чандрыг хулгайлаад зогсохгүй Энэтхэг улсын тусгаар тогтнолын удирдагч, улс орны эцэг гэгддэг эрхмийн зургийг баллаж эсэргүүцлээ илэрхийлсэн байна.
Хулгайч нар Гандийн зурган дээр ногоон өнгийн будгаар “урван тэрслэгч” хэмээн бичжээ. Хинду шашны хатуу чанга дүрэм журмыг баримтлагчид Гандийг Хинду-Исламын шашныг нэгтгэхийг уриалж байсан учир урвагч хэмээн буруутгадаг байна.
Цагдаа нар хулгайн гэмт хэргийг мөрдөн шалгаж, гэмт этгээдүүдийг үндэсний бүрэн бүтэн байдал, эв нэгдэлд гарз хохирол учруулсан ба энх тайвныг эвдэхийг санаархсан гэж үзжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.