Эхнэрийнхээ нууц амрагтай заргалдаад 750,000 ам.доллар авахаар болжээ
Кевин Ховард АНУ-ын Умард Каролинад оршин суудаг. Тэр эхнэртэйгээ 12 жил хамт амьдарсан боловч нэг л өдөр эхнэр нь салах тухай ярьж эхэлжээ. Ховард эхнэрээ чухам яагаад гэр бүлээ цуцлуулах гэнэтийн шийдвэр гаргасныг олж мэдэхээр хувийн мөрдөгч хөлслөхөд бүх зүйл тодорхой болжээ.
Түүний эхнэр ажлынхаа газрын залуутай дотно харилцаатай болсон гэдгийг мэдээд Ховард Америкийн цөөн хэдэн мужид л байдаг гэр бүлийн харилцааны хуулийн дагуу шүүхэд гомдол мэдүүлсэн байна. Уг хуулиар хосын харилцаанд хэн нэгэн гуравдагч этгээд хөндлөнгөөс орж, салах хэмжээний нөхцөл байдал үүсгэсэн бол хууль зөрчсөн үйлдэлд тооцож болдог ажээ.
Ховард өнгөрсөн наймдугаар сард шүүхэд хандсан бөгөөд шүүхийн шийдвэрээр эхнэртэй нь хамт ажилладаг залуу гэр бүлийн харилцааг хөндийрүүлсэн гэж буруутган, 750,000 ам.долларын нөхөн олговрыг эхнэрээ алдсан залууд төлөх болжээ. Эхнэрийнх нь нууц амраг урьд өмнө тэдний гэр бүлтэй хамт хэд хэдэн удаа оройн хоол идэж, цагийг хамтдаа өнгөрөөсөн байна. Тухайн үед Ховард огт сэжиглээгүйгээр барахгүй найзаа гэж бодож байсан гэжээ.
Уг хуулийг АНУ-ын мужуудын дийлэнх нь халсан боловч Хавай, Миссиссиппи, Нью Мексико, Өмнөд Дакота, Юта, Умард Каролина мужуудад одоо ч хүчинтэй хэвээр үлджээ.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.